EHLADER Gürcüstanın yeni şeyxini təbrik etdi.
QafqazTürk.com məktubu təqdim edir:
“Bağışlayan və mehriban Allahın adı ilə
Gürcüstan Müsəlmanları İdarəsi hər zaman dini inanclarımızın və məktəbi dəyərlərimizin qorunmasında, yayılmasında, müdafiəsində çox mühüm bir mövqeyə sahib olmuşdur.
Həmd olsun ki, qurulduğu ilk gündən etibarən bütün müsəlmanlar və hətta digər dinlər arasında nümunəvi birliyi saxlamış, qardaşlıq və vəhdət hisləri içərisində həm insanlar, həm də cəmiyyət üçün faydalı olan işlərə imza atıb.
Son günlərdə keçirilən seçki ilə Hacı Faiq Nəbiyev müəllimimiz Gürcüstan Müsəlmanları İdarəsinin yeni şeyxi olaraq seçilmişdir.
Bu mövzuda keçmiş dövrdə çox faydalı və uğurlu işlər görmüş dəyərli Hacı Ramin İgidova da xidmətləri ilə bağlı təşəkkürlərimizi və yeni şeyx Hacı Faiq Nəbiyevə də təbriklərimizi ərz edirik.
Bir çox platformalarda açıqladığımız kimi, “EHLADER” üçün ən önəmili məqsədlərin başında alimlərimizli birliyi təmin etmək və hər sahədə qarşılıqlı həmrəylik içində olmaqdır.
Bizlər dünyanın dörd bir tərəfindəki alimlərimizlə əl-ələ və könül birliyi ilə çox yaxşı yerlərə gələcəyimizə inanırıq.
Bir daha Gürcüstan Müsəlmanları İdarəsi Şeyxinə öz fəliyyətində uğurlar diləyir, “EHLADER” olaraq hər zaman yanlarında olduğunu elan edirik.
Kadir Akaras
EHLADER-im Baş direktoru”
