İyulun 1-i səhərədək Gürcüstanda yağış yağacağı, bəzi yerlərdə intensiv olacağı, şimşək çaxacağı, şərqi Gürcüstanın bəzi ərazilərinə dolu düşəcəyi gözlənilir.
QafqazTürk.com xəbər verir ki, bu barədə Milli Ekologiya Agentliyi məlumat yayıb.
Məlumata əsasən, iyunun 30-da və iyulun 1-də güclü qərb küləyi əsəcək, dənizdə 4 bal gücündə tufan gözlənilir.
Gözlənilən leysan yağışları Gürcüstanın kiçik çaylarında daşqınlara səbəb ola bilər, ölkənin dağlıq ərazilərində sürüşmələrin başlamasına və aktivləşməsinə səbəb ola bilər.
