Bakı-Tbilisi-Qars çərçivəsində tranzit gömrük prosedurlarının sadələşdirilməsi haqqında sazişi ratifikasiya edib.
QafqazTürk.com xəbər verir ki, bu barədə Azərbaycan Milli Məclisində qərar qəbul edilib.
Milli Məclisin bu gün keçirilən iclasında “Azərbaycan Respublikası Hökuməti, Gürcüstan Hökuməti və Türkiyə Hökuməti arasında tranzit gömrük işlərinin sadələşdirilməsi məqsədilə ilkin məlumat mübadiləsi haqqında” qanunlayihəsi müzakirə edilib.
Müzakirələrdən sonra sənəd səsə qoyularaq qəbul edilib.
Milli Məclisin plenar iclasında deputat Səməd Seyidov bildirib ki, Azərbaycan, Gürcüstan və Türkiyə hökumətləri arasında ilkin məlumat mübadiləsi haqqında saziş Azərbaycanın geosiyasi mövqeyini tamamilə yeni müstəviyə çıxaracaq.
Deputatın sözlərinə görə, layihədə üç ölkənin iştirakı yalnız ilk addımdır və yaxın gələcəkdə Mərkəzi Asiya ölkələri də qoşulacaq.
