Müharibə Araşdırma İnstitutunun (ISW) hesabatına görə, Rusiya prezidenti Vladimir Putin ABŞ-ın yeni seçilmiş prezidenti Donald Trampın komandası tərəfindən hazırlanmış Ukraynada sülhün təmin edilməsi təklifini qəbul etməyib.
Təşkilatın verdiyi məlumata görə, Putin Tramp komandasının təklifini birbaşa rədd edib, ona görə müharibənin dayandırılması şərti Ukraynanın NATO-ya üzvlüyünü ən azı on il gecikdirmək idi.
Hesabatda qeyd olunur ki, dekabrın 26-da Putin ABŞ-ın seçilmiş prezidentinin komandasının ideyasını şərh edərkən deyib ki, Ukraynanın “bu gün, sabah və ya 10 ildən sonra” NATO-ya üzv olmasının heç bir əhəmiyyəti yoxdur.
“Putinin dekabrın 26-dakı bəyanatı onun 2021-ci ilin sonu və 2022-ci ilin əvvəlində irəli sürdüyü tələblər üzrə kompromisləri nəzərdən keçirməkdən imtina etdiyini təsdiqləyən bir sıra şərhlərin bir hissəsidir. Bu tələblərə Ukraynanı heç vaxt NATO-ya qoşulmayacaq daimi neytral dövlətə çevrilməyə məcbur etmək, Ukrayna ordusunun sayına sərt məhdudiyyətlər qoymaq və Ukrayna hökumətini devirmək daxildir”, – hesabatda qeyd olunub.
