İclasa Sakrebulonun sədri Amiran Qiorqadze rəhbərlik edirdi.
Qafqaztürk xəbər verir ki, bələdiyyə məclisinin iclasında müzakirəyə 3 məsələ təqdim edilmişdi.
Sözü gedən məsələlər bunlardır: Marneuli Munisipalitetinin 2023-cü il büdcəsində ediləcək dəyişikliklər, yəni: 4 ədəd bələdiyyə avtobusunun alınması, 1 ədəd yük maşınının alınması, Marneuli şəhərinin 2 saylı uşaq bağçasının ərazisinin abadlaşdırılması, ictimai məkanların abadlaşdırılması-bərpası, Algetidə parkın təşkili, Candarda parkın təşkili, Marneuli şəhərində, Revaz Lağidze küçəsində və ekomiqrantların qəsəbəsində küçə işıqlandırmanın təşkili, qəbristanlıqlara qulluq və sahiblik etmək, vətəndaşlara sosial istiqamətdə yardım məsələsi.
Qeyd edək ki, sözü gedən məsələlərin hər birinə deputatlar müsbət qərar veriblər.
