“Son dövr ərzində Gürcüstanda işlə təmin olunanların sayı əhəmiyyətli dərəcədə artıb”.
QafqazTürk.com xəbər verir ki, bunu Maliyyə naziri Laşa Xuçişvili deyib.
Onun sözlərinə görə işlə təmin olunanların təxmini sayı 70 min nəfərdir.
Onun sözlərinə görə, Gürcüstan işlə təmin edilmə baxımından ən yaxşı göstəriciyə malikdir.
“Biz hazırda ən yaxşı işlə təmin olunma səviyyəsinə malikik. Bu, təkcə məşğulluq baxımından deyil, bir çox başqa istiqamətlərdə də belədir. Bunun əsas müəyyənedici amili son 2 ildə Gürcüstanda apardığımız iqtisadi siyasət və iqtisadi artımdır. Son iki ildə bizdə ikirəqəmli iqtisadi artım olub, bu il isə kifayət qədər yüksək iqtisadi artım var. İşsizlik səviyyəsi ilə yanaşı, məşğul əhalinin sayı da əhəmiyyətli dərəcədə artaraq, təxminən 70 min nəfər olmuşdur. Biz növbəti dövrdə daha böyük irəliləyişlərin olacağını gözləyirik, çünki iqtisadi fəallığın da artdığını görürük”, – deyə Laşa Xuçişvili bildirib.
