Hakim “Gürcü arzusu” Partiyasının sədri İrakli Qaribaşvili Prezident Salome Zurabişvilinin Lazar Qriqoriadisini əfv etməsini dövlət əleyhinə atılan addım kimi qiymətləndirib.
QafqazTürk.com xəbər verir ki, bu barədə o, jurnalistlərə müsahibəsində qeyd edib.
“Prezident Salome Zurabişvilinin verdiyi əfv qərarı bir polisə “Molotov kokteyli” atan və onu diri-diri yandırmaq istəyən adamı əfv etməsi kimi qiymətləndirilə bilər”, – o vurğulayıb.
Onun sözlərinə görə, S.Zurabişvilinin yenidən seçilməsinə qalan bir neçə ay ərzində onun prezident səlahiyyətlərini necə yerinə yetirə biləcəyi mənə aydın deyil.
İ.Qaribaşvili qeyd edib ki, Gürcüstan Prezidenti radikal müxalifətlə koordinasiyalı şəkildə hərəkət edir.
Xatırladaq ki, ötən gün S.Zurabişvili “Pirveli” telekanalına müsahibəsində məhkum L.Qriqoriadisini əfv edəcəyini açıqlayıb.
