Gürcüstanda tərəvəzin pərakəndə satış qiymətləri 2023-cü ilin aprelində mart ayı ilə müqayisədə 6% ucuzlaşıb.
QafqazTürk.com xəbər verir ki, sözügedən qiymətlər üzrə may ayında da azalma gözlənilir.
Bu cür dinamika mövsümi xarakter daşıyır və ilin bu vaxtında qiymətlər azalmağa meyllidir.
Tərəvəz qiymətlərində göstərilən azalma bazarda təlabatın artması ilə əlaqədardır. Bu artımın bir hissəsi yerli istehsalçıların, əsasən də pomidor və xiyar yetişdirənlərin payına düşür. Gürcüstan bazarına tələbatın artırılmasında qonşu ölkələrdən idxal da mühüm rol oynayır.
Gürcüstanda meyvə-tərəvəz idxalı üçün ən aktiv aylar mart, aprel və may aylarıdır.
Digər mühüm amillər də Gürcüstan bazarına təsir edib. Gürcüstan Milli Bankının aylıq sorğusuna əsasən, qlobal miqyasda əmtəə qiymətləri və beynəlxalq daşıma xərcləri azalıb. Gürcüstan idxaldan çox asılı olduğu üçün qiymətlərin, xüsusən də tərəvəz qiymətlərinin aşağı düşməsində bu iki amil böyük rol oynayıb.
2023-cü ilin aprel ayı ilə 2022-ci ilin aprelini müqayisə etsək, ümumi qiymət səviyyəsi və ya inflyasiyanın dəyişməsi 2,7% təşkil edir ki, bu da Gürcüstanın 3%-lik hədəfindən aşağıdır. Sonuncu, əsasən yanacağın və dərmanların aşağı qiymətləri ilə əlaqədar olub. Maraqlıdır ki, tərəvəzin pərakəndə satış qiymətinin illik artımı cəmi 2% təşkil edir.
Tərəvəzlərə gəldikdə isə 2022-2023-cü illər arasında qiymət fərqi azalır. Ötən illə müqayisədə kartof və soğan istisna olmaqla, əksər tərəvəzlər ucuzlaşıb. Onların məhsulu qiymətlərin kəskin ucuzlaşmasına səbəb olacaq. Bazarda kartof və soğan təlabatı adətən iyun ayında pik həddə çatır.
