20 yaşadək futbolçular arasında növbəti dünya çempionatı Argentinada keçiriləcək.
QafqazTürk.com xəbər verir ki, bu barədə FIFA-nın rəsmi saytında məlumat dərc edilib.
Məlumata görə, Argentina Futbol Assosiasiyasının məsələ ilə əlaqədar təqdim etdiyi ərizə təsdiqlənib.
Mayın 20-dən iyunun 11-dək baş tutacaq dünya çempionatının birinci mərhələsində 24 komanda 6 qrupa bölünəcək.
Argentina yığması FIFA Gənclər Çempionatında 6 dəfə qızıl medal qazanıb və bu baxımdan rekordçudur.
Xatırladaq ki, mundialın öncə İndoneziyada keçirilməsi planlaşdırılsa da, siyası səbəblərdən ev sahibliyi bu ölkədən alınıb.
