Bu gündən etibarən Gürcüstanda avtomobillərin və motosikletlərin daxili tranzit nömrələri dəyişdirilir.
QafqazTürk.com xəbər verir ki, artıq daxili tranzit nömrələri yeni qaydaya əsasən veriləcək.
Qərara əsasən, avtomobilin daxili tranzit sxemi aşağıdakı kimi olacaq:
Qeydiyyat nişanının ümumi təsviri:
Qeydiyyat nişanının sol tərəfində yuxarı kənarında Gürcüstanın dövlət bayrağı, Gürcüstanın dövlət bayrağının aşağı tərəfində Gürcüstanın beynəlxalq kodu “GE” təsvir edilmişdir. Sol tərəfdə, aşağı kənarın yaxınlığında isə “2D Barkod” kodu mövcuddur.
Qeydiyyat nişanının kənarının aşağı yarısında üfüqi istiqamətdə latın hərfləri ilə “TRANSİT” sözləri yazılmış qırmızı zolaq vardır. Soldan sağa, ağ fonda nömrə və seriya qara rəngdə (boşluq olmadan dörd rəqəm və iki latın hərfi) yazılacaq.
Motosikletin “daxili tranziti” nümunəsi
Nümunə tranzit nömrəsi
Xatırladaq ki, sözügedən qərar 18 avqust 2023-cü il tarixində qəbul edilib.
