İyunun 29-30-da keçiriləcək Aİ Liderlərinin Zirvə Toplantısında diqqət çəkən məsələlərdən biri də Ukraynadır. Xüsusilə “Vaqner”in Rusiyaya qarşı üsyanından sonrakı vəziyyət və Ukraynaya veriləcək maliyyə və hərbi dəstək liderlər masasının mövzuları arasındadır.
QafqazTürk.com xəbər verir ki,liderlərin sabahkı iclasının bir hissəsinə NATO-nun baş katibi Yens Stoltenberq də qatılacaq və Ukraynaya dəstək üzrə NATO-Aİ əməkdaşlığı müzakirə olunacaq.
Avropa İttifaqı liderlərinin görüşündə Ukrayna prezidenti Vladimir Zelenskinin də videokonfrans vasitəsilə iştirakı planlaşdırılır.
