Alimlər tarixdə ilk dəfə olaraq Marsın nüvəsində təkanları qeydə alıblar ki, bu da Marsın nüvəsinin nədən ibarət olduğunu nəhayət müəyyən etməyə imkan verir.
Dörd ildir ki, Marsı içini izləyən NASA-nın Marsda yerləşən kosmik gəmisi InSight-dan alınan seysmik məlumatlara görə, Marsın nüvəsi qeyri-adi dərəcədə böyük miqdarda kükürd və oksigenlə qarışdırılmış maye dəmir ərintisindən ibarətdir.
Bu məlumat əsasında alimlər Marsın tarixini daha yaxşı öyrənə biləcəklər. Onlar həmçinin Marsın nə üçün Yerdən fərqli olduğunu müəyyən etmək imkanı əldə edəcəklər.
“Alimlər 1906-cı ildə Yerin nüvəsini, oradan keçən zəlzələlərin seysmik dalğalarının necə hərəkət etdiyini müşahidə edərək kəşf etdilər. Yüz ildən çox vaxt keçdi və bu dəfə seysmik dalğalar haqqında biliklər artıq Marsa uyğunlaşdırılıb. InSight kosmik gəmisi sayəsində biz nəhayət Marsın nüvəsində nə olduğunu, onun niyə Yer kürəsi nüvəsi ilə bənzədiyini, eyni zamanda nəyə görə fərqləndiyini kəşf etdik”, – Merilend Universitetinin geoloqu Verdan Lekis deyir.
İstinadlar: eurekalert.org, ScienceAlert
