Saqareco bələdiyyəsinin Yormuğanlı kəndində qaçırılan 13 yaşlı qız tapılıb.
QafqazTürk.com xəbər verir ki, qızın tapılması barədə yeniyetmənin atası mətbuata məlumat verib, Daxili İşlər Nazirliyinin mətbuat xidməti isə məlumatı təsdiqləyib.
Mətbuata məlumat verən azyaşlının atası bildirib ki, qızın tapılması barədə ona polis əməkdaşları məlumat verib. O, qızının necə olduğunu, harada tapıldığını və nə baş verdiyini öyrənmək üçün Tbilisidən Kaxetiyə gəlib. Atasının dediyinə görə, başqa heç nə bilmir.
13 yaşlı qızın oxuduğu məktəbin direktoru bildirmişdi ki, uşaq son həftələr dərsə gəlmirdi.
Daxili İşlər Nazirliyində cinayət məcəlləsinin 143-cü maddəsində nəzərdə tutulmuş, yəni qanunsuz olaraq azadlıqdan məhrum etmə maddəsi ilə cinayət işi başladılır. Cinayət 2 ildən 4 ilədək həbs cəzasını nəzərdə tutur.
