Another advertisement
საქართველოს ხვალ აზერბაიჯანის საგარეო საქმეთა მინისტრი ჯეიჰუნ ბაირამოვი ეწვევა.
გავრცელდა ინფორმაცია, რომ 27 ივნისს დაგეგმილი ოფიციალური ვიზიტის ფარგლებში, აზერბაიჯანის საგარეო საქმეთა მინისტრი ჯეიჰუნ ბაირამოვი შეხვდება პრემიერ-მინისტრ ირაკლი კობახიძეს, პარლამენტის თავმჯდომარეს, შალვა პაპუაშვილს და საგარეო საქმეთა მინისტრ ილია დარჩიაშვილს.
საგარეო საქმეთა მინისტრების შეხვედრაზე ორმხრივი თანამშრომლობის დღის წესრიგში შემავალი მნიშვნელოვანი საკითხები და რეგიონული თანამშრომლობის საკითხები განიხილება. შეხვედრის შემდეგ იგეგმება პრესკომფერეცია.
