წელს საქართველომ თურქეთისგან რეკორდული რაოდენობის კვერცხი იყიდა

მიმდინარე წლის 7 თვეში, საქართველოში რეკორდული რაოდენობის ქათმის კვერცხის იმპორტი განხორციელდა.

სტატისტიკის ეროვნული სამსახურის მონაცემებით, 2023 წლის იანვარ-ივლისში ქვეყანამ 24,835 მლნ ცალი კვერცხი (არაინკუბირებისთვის) (1,173 მლნ აშშ დოლარი) შეიძინა.

ეს მაშინ, როდესაც გასული წლის ანალოგიურ პერიოდში 2,030 მლნ ერთეული კვერცხის (68.6 ათასი აშშ დოლარი) იმპორტი განხორციელდა, ხოლო 2021 წლის 7 თვეში – 1,098 მლნ ერთეულის (56.1 ათასი აშშ დოლარი).აღსანიშნავია, რომ წელს იმპორტირებული კვერცხის 100% თურქეთზე მოდის.