Another advertisement
აშშ-ის პრეზიდენტმა დონალდ ტრამპმა გამოსცა ბრძანება, რომლის თანახმადაც სოციალური პლატფორმა ტიკტოკის ბლოკირება 75 დღით უნდა გადავადდეს. ინფორმაციას თეთრი სახლი ავრცელებს.
„ვუბრძანებ გენერალურ პროკურორს შეერთებული შტატების სახელით კანონის აღსრულების უზრუნველსაყოფად არ გაატაროს ზომები აღნიშნული ბრძანების გამოქვეყნებიდან 75 დღის განმავლობაში, რათა ჩემს ადმინისტრაციას მიეცეს შესაძლებლობა ტიკტოკთან დაკავშირებით განსაზღვროს მოქმედებები“, – წერია ბრძანების ტექსტში.
ცნობისთვის, აშშ-ის უზენაესმა სასამართლომ 17 იანვარს შეერთებულ შტატებში ტიკტოკის გამოყენება აკრძალა, თუ მას მისი მფლობელი კომპანია ByteDance-ი არ გაასხვისებს.
