გარემოს დაცვისა და ბუნებრივი რესურსების კომიტეტისა და კულტურის კომიტეტის ერთობლივ სხდომაზე „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში ცვლილების შეტანის შესახებ” და „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში ცვლილების შეტანის შესახებ” საქართველოს კანონებში ცვლილების შეტანის თაობაზე” იმსჯელეს. საკითხი განსახილველად ერთ-ერთმა ინიციატორმა, პარლამენტის წევრმა ბექა დავითულიანმა წარადგინაკანონპროექტის მიზანია კულტურული მემკვიდრეობის დამცავ ზონებში უკანონო მშენებლობებთან დაკავშირებული დარღვევების მაქსიმალურად შემცირება და ზოგადად, ამ მიმართულებით უფრო მეტად პრევენციული სისტემის შექმნა. ამ მიზნით, შესაბამისი დარღვევებისთვის სანქციები მკაცრდება. I კლასის მშენებლობისათვის – 16 000 ლარი; II კლასის მშენებლობისათვის – 75 000 ლარი; III და IV კლასის მშენებლობისათვის – 250 000 ლარი. კომიტეტების გაერთიანებულ სხდომაზე წარმოდგენილ საკანონმდებლო ინიციატივას მხარი ერთხმად დაუჭირეს.
－
