რამდენიმე ქვეყნის საგარეო კომიტეტის ხელმძღვანელები პირდაპირ ამბობენ, რომ მათი მიზანია ვიზალიბერალიზაციის შეჩერება, რადიკალური ოპოზიცია კი მათ განცხადებებს ტაშს უკრავს, – ამის შესახებ პარლამენტის ადამიანის უფლებათა დაცვის კომიტეტის თავმჯდომარე რატი იონათამიშვილმა.
იონათამიშვილის თქმით, ქვეყნის მტერია, ვინც საქართველოსთვის ვიზალიბერალიზაციის შეჩერებაზე საუბრობს.
თავიდან საგარეო კომიტეტის 12 ხელმძღვანელი ჩამოდიოდა და ბოლოს რვა ჩამოვიდა. ამ ადამიანებს ვინც უსმინა, მათ მზაკვრულ გეგმებში დარწმუნდებოდა. პირდაპირ ამბობენ, რომ მათი მიზანია ვიზალიბერალიზაციის შეჩერება, რადიკალური ოპოზიცია კი მათ განცხადებებს ტაშს უკრავს. მარტივი კითხვაა, რაზეც პასუხის გაცემა იოლია – არის თუ არა ქვეყნის მტერი ის, ვისაც საქართველოსთვის უვიზოს შეჩერება უნდა? რა თქმა უნდა, ასეა. ცდებიან, თუ ჰგონიათ, რომ გაკოტრებულ ოპოზიციას იმპულსს მისცემენ, პირიქით არის. ისინი საზოგადოებისთვის უფრო მიუღებლები გახდებიან. ქვეყნის მტერია, ვინც საქართველოსთვის ვიზალიბერალიზაციის შეჩერებაზე საუბრობს“, – განაცხადა რატი იონათამიშვილმა.
იონათამიშვილმა კომენტარი გააკეთა სალომე ზურაბიშვილის მიერ საგარეო კომიტეტის ხელმძღვანელებთან შეხვედრის შემდეგ გაკეთებულ განცხადებაზეც, სადაც მან აღნიშნა: „კრიზისი სახეზეა, ჩვენი მეგობრები აქ არიან, რომ ერთად მოვიპოვოთ ის გზები, რითაც შეიძლება, საქართველო ამ კრიზისიდან გამოვიდეს“.
იონათამიშვილის თქმით, „კრიზისი სახეზეა რადიკალურ ოპოზიციაში“.
„კრიზისი სახეზეა რადიკალურ ოპოზიციაში, რასაც ვერაფერი ეშველება. მათ ეს კრიზისი დაიმსახურეს და ვუსურვებ, კრიზისი უფრო გაუმწვავდეთ. რა თქმა უნდა, ისინი ხელს ვერ შეუშლიან ქვეყნის სწორ განვითარებას. სალომე ზურაბიშვილი არალეგიტიმური გახდა მას შემდეგ, რაც კონსტიტუცია დაარღვია და იმ ამომრჩეველს უღალატა, ვინც „ქართული ოცნების“ თხოვნით მხარი დაუჭირა. ის რადიკალური ოპოზიციის მხარდამჭერად იქცა, ეს როლი აირჩია და აგენტურული ოპოზიციის წარმომადგენელი გახდა. მათ არც ლეგიტიმაცია აქვთ და კრიზისი სახეზეა“, – განაცხადა რატი იონათამიშვილმა.
