Another advertisement
ბოტსვანაში, კანადური ფირმა Lucara Diamond-ის კუთვნილ მაღაროში მსოფლიოში სიდიდით მეორე ალმასი აღმოაჩინეს.
BBC-ს ცნობით, ძვირფასი ქვის წონა დაახლოებით 2 492 კარატია. ბოტსვანის მთავრობაში აღნიშნავენ, რომ ეს ქვეყნის ტერიტორიაზე ნაპოვნი ყველაზე დიდი ალმასია.
მსოფლიოში ყველაზე დიდი ალმასი კი 1905 წელს სამხრეთ აფრიკაში ნაპოვნი „კულინანია“. მისი წონა 3 106 კარატი იყო, თუმცა შემდეგ ის 9 სხვადასხვა ბრილიანტად დაჭრეს, რომელთა უმეტესობა ბრიტანეთის სამეფო ოჯახის მფლობელობაშია.
