იმედი მაქვს, პარტნიორები კარგად აცნობიერებენ, რომ არ შეიძლება, სანქციები უმიზეზოდ და უსაფუძვლოდ იყოს დაწესებული – მაკა ბოჭორიშვილი

იმედი მაქვს, პარტნიორები კარგად აცნობიერებენ, რომ არ შეიძლება, სანქციები უმიზეზოდ იყოს დაწესებული, – ამის შესახებ საქართველოს პარლამენტის ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა განაცხადა.

ბოჭორიშვილის თქმით, „ქართველი პოლიტიკოსები არ მალავენ, რომ იბრძვიან, რათა ხელისუფლება და ბიძინა ივანიშვილი დასანქცირდნენ“.

„ბოლო ორი წელია, განსაკუთრებით ისმის მუქარები. არ შეიძლება, სანქციები უსაფუძვლოდ მოგონილი იყოს. არ შეიძლება, სანქციები ისე დაწესდეს, რომ საფუძვლები არ იყოს. იმედი მაქვს, პარტნიორები კარგად აცნობიერებენ, რომ არ შეიძლება, სანქციები უმიზეზოდ იყოს დაწესებული“, – განაცხადა მაკა ბოჭორიშვილმა.