Another advertisement
ევროკავშირის წევრი ქვეყნები რუსეთის წინააღმდეგ სანქციების მე-12 პაკეტზე შეთანხმდნენ. ევროპული საბჭოს 14-15 დეკემბრის სამიტის პირველი დღის შემდეგ გამოქვეყნებულ წერილობით დასკვნაში აღნიშნულია, რომ სანქციების მე-12 პაკეტის მიღების გარდა, შემზღუდავი ზომების დარღვევისთვის სისხლის სამართლის დანაშაულებისა და სასჯელის განსაზღვრის შესახებ დირექტივაზე მიღწეულ შეთანხმებას, ევროსაბჭო მიესალმება. მანამდე, მედიაში გავრცელდა ინფორმაცია, რომ სანქციების ტექსტი კვირის დასაწყისშივე იყო შეთანხმებული, თუმცა მის დამტკიცებას ავსტრია ბლოკავდა. ავსტრიის უკმაყოფილება უკრაინის მიერ ავსტრიული ბანკის ომის საერთაშორისო სპონსორების სიაში შეყვანით იყო განპირობებული.
