Another advertisement
26 ივნისს სოფელ დაშტაფის იმამ ზამანის მეჩეთში საზეიმოდ, გადირ ხუმის დღესასწაული გაიმართა. კრება, რომელიც წმინდა ყურანის გახსნით დაიწყო, რელიგიური ლიდერების გამოსვლებითა და ღვთაებრივი მუსიკის დაკვრით გაგრძელდა. კრება სადღესასწაულო ფეიერვერკითა და სადღესასწაულო ტრაპეზით დასრულდა.
გადირ ხუმის დღესასწაული, მუსლიმურ სამყაროში, შიიტური მიმართულების ერთ-ერთ ყველაზე მნიშვნელოვან დღესასწაულად მოიაზრება. მათი რწმენით, სწორედ ამ დღეს, ჰიჯრის (გადასახლება) მეათე წელს, მოციქულმა მუჰამადმა, ალაჰის ბრძანებით, გამოაცხადა იმამი ალი იბნ აბუ ტალიბი, თავის მემკვიდრედ, ლიდერად, რაც მოხდა ღადის ხუმის ოაზისში (ადგილი მექასა და მედინას შორის). ამაზე საუბარია ერთ-ერთ გადმოცემაში: „ვისთვისაც მე ვარ მბრძანებელი, ალიც მათთვის მბრძანებელია“.
