გარემოს ეროვნული სააგენტო მოსახლეობას აფრთხილებს: მოსალოდნელია წვიმა, ზოგან ძლიერი, ელჭექი, სეტყვა და ძლიერი ქარი

გარემოს ეროვნული სააგენტო განცხადებას ავრცელებს და მოსახლეობას ამინდის მკვეთრი გაუარესების და მოსალოდნელი სტიქიის შესახებ აფრთხილებს.  მეტეოროლოგიური რადარის მონაცემებზე დაყრდნობით, დღეს, 10 ივნისს, უახლოეს საათებში დღის ბოლომდე ქვემო ქართლის, შიდა ქართლის, სამცხე-ჯავახეთის, მცხეთა-მთიანეთის და კახეთის უმეტეს რაიონში, ასევე, თბილისში მოსალოდნელია წვიმა, ზოგან ძლიერი, ელჭექი, სეტყვა და ძლიერი ქარი.

მოსალოდნელმა ნალექებმა აღმოსავლეთ საქართველოს პატარა მდინარეებზე შესაძლებელია წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. სააგენტოსავე მონაცემებზე დაყრდნობით საფრთხის მაჩვენებელი საშუალო დონისაა.