Kiyev tərəfdaşları ilə Ukraynanın təhlükəsizliyinə təminat verilməsinə dair müqavilələr bağlamağa hazırlaşmağa başlayıb.
QafqazTürk.com xarici mətbuata istinadən xəbər verir ki, bu barədə NATO-nun Vilnüs sammitinin yekunlarına dair Ukrayna Prezidenti Volodimir Zelenski görüşdən sonra bildirib.
O, əldə olunan razılaşmalara uyğun olaraq konkret addımların atılacağına ümid etdiyini bildirib.
İndi biz Vilnüsdəki tərəfdaşlarla Ukrayna üçün hər bir sazişi konkret addımlarımıza çeviririk ki, bütün razılaşmalar konkret nəticələrə çevrilsin. Yaxşı zirvə həm də yaxşı nəticələr verməlidir. Biz NATO-nun növbəti sammiti üçün zəmin hazırlayırıq – Vaşinqtonda”, – deyə Ukrayna lideri bildirib.
Xatırladaq ki, bundan əvvəl NATO-nun baş katibi Yens Stoltenberq bildirib ki, NATO-ya üzv ölkələrin liderləri Ukraynaya çoxillik dəstək paketini təsdiqləyiblər. O, üç elementdən ibarətdir və Ukrayna Silahlı Qüvvələri ilə NATO uyğunluğuna nail olmaq üçün Kiyevə birbaşa dəstəyi, NATO-Ukrayna Şurasının yaradılmasını və prosesi qısaldacaq bloka qoşulmaq haqqında üzvlük fəaliyyət planının həyata keçirilməsi şərtinin ləğvini əhatə edir.
Eyni zamanda, Zelenski sammitin nəticəsinin Kiyev üçün ideal olmadığını bildirib. Prezident Ukraynanın hələ də Alyansa rəsmi dəvət almamasından şikayətlənib.
Öz növbəsində, Ukrayna Milli Təhlükəsizlik və Müdafiə Şurasının katibi Oleksiy Danilov bildirib ki, Kiyev arsenalında nüvə silahı olan G7 ölkələrindən təhlükəsizlik zəmanəti alacağını gözləyir. O, respublikanın SSRİ-dən miras qalmış kütləvi qırğın silahlarından imtina etməsini də səhv adlandırıb.
