Yunanıstanın baş naziri Kiriakos Mitsotakis Afinada NATO-nun baş katibi Mark Rutte ilə görüşüb.
QafqazTürk Media xəbər verir ki, Kiriakos Mitsotakis görüşdən sonra bildirib ki, bütün NATO müttəfiqlərinin əsas prioriteti ümumi müdafiəmizi gücləndirməkdir.
“Biz bütün müttəfiqlərin əsas prioritetlərindən biri, ümumi müdafiəmizi gücləndirmək zərurəti barədə razılığa gəldik. Bu məqsəd güclü müdafiə sənayesi və əhəmiyyətli investisiyalar, həmçinin Avropa İttifaqı ilə NATO arasında daha səmərəli əməkdaşlıq tələb edir”, – Kiriakos Mitsotakis bildirib.
Onun sözlərinə görə, Ukraynaya dəstək davam etməlidir.
Eyni zamanda, NATO-nun baş katibi Mark Rutte Yunanıstanı ukraynalı pilotların təlimi zamanı göstərdiyi köməyə görə tərifləyib.
“Həmçinin, müdafiə sərmayəsini və istehsalını artırmaq da daxil olmaqla, ehtiyat etməli və müdafiəni gücləndirməliyik”.
Yaxşı xəbər odur ki, ərazilərimizin hər santimetrini qorumaq üçün NATO kimi alyansımız var”, – deyə Mark Rutte qeyd edib.
