Gürcüstanda pis hava şəraiti iyunun 17-dək davam edəcək, iyunun 18-dən isə ölkə ərazisində günəşli hava müşahidə olunacaq. Bu barədə meteoroloq Koba Partenadze yazır.
“Son bir neçə gün Gürcüstanda qeyri-sabit və sərin hava şəraiti müşahidə olunub, temperatur +30, +35 dərəcədən xeyli aşağı düşüb və günortaya qədər +25 dərəcəyə çatmayıb, konvektiv buludluluq hökm sürüb, günəşli pəncərələr leysan yağışı ilə əvəzlənib.
Qərbdə və şərqdə bəzi yerlərdə qısamüddətli yağış yağacağı, şimşək çaxacağı, bəzi yerlərdə intensiv olacağı, küləyin qısamüddətli güclənəcəyi gözlənilir.
Çərşənbə günü Gürcüstanda gün ərzində hava düzələcək , həftənin sonuna qədər günəşli hava gözlənilir.
