Gürcüstan prezidenti Salome Zurabişvilinin sözlərinə görə, şura yaradılacaq, onun isə mandatı yeni seçkilərə hazırlıq olacaq.
QafqazTürk Media xəbər verir ki, bu barədə prezident yayımlanan videomüraciətində qeyd edib.
Yeni seçkilər üçün “yeni qüvvələr meydana çıxacaq və biz bütün bunlara hazır olmalıyıq”- deyə o, vurğulayıb .
“Bu dövrü idarə etmək üçün şura yaradılacaq. Bu şuranın sadəcə 1 mandatı olacaq, yeni seçkilərə hazırlıq olacaq. Artıq bir sənəd hazırlanır və yəqin ki, sabah üçün hazır olacaq, orada seçkilərin tezliklə keçirilməsi üçün minimal olan bütün şərtləri təsvir olunacaq, daha sonra bütün rakurslardan və mümkün istiqamətlərdən hazırlamaq üçün işlər görüləcək. Bu yeni seçkilər həqiqi mənada yeni seçkilər olacaq və yəqin ki, yeni qüvvələr meydana çıxacaq, biz isə bütün bunlara hazır olmalıyıq”, – Salome Zurabişvili bildirib.
