Yeni seçilmiş parlament səlahiyyətlərini əldə edən kimi hökumət parlament qarşısında səlahiyyətlərini geri götürərək öz vəzifələrini icra etməyə başlayacaq.
QafqazTürk Media xəbər verir ki, seçkilərdə ən yaxşı nəticə göstərən siyasi partiya baş nazirliyə namizədi təqdim edəcək.
Xatırladaq ki, “Gürcü arzusu” partiyası yenidən baş nazir postuna İrakli Kobaxidzenin namizədliyini irəli sürüb.
Parlamentin yeni hökumətə və hökumət proqramına etimad ifadə etmək üçün 2 həftəlik vaxtı var. Reqlamentə əsasən, bu müddət ərzində komitələr sahə ixtisası üzrə nazirliyə namizədləri, eləcə də fraksiyaları dinləyəcək və müvafiq nəticələrini Parlamentin Bürosuna təqdim edəcək. Bir gündə yalnız iki dinləməyə icazə verilir.
Qeyd edək ki, hökumətə etimad qazanmaq üçün parlamentin tam tərkibinin əksəriyyətinin dəstəyi lazımdır.
