ABŞ-ın yeni seçilmiş prezidenti Donald Tramp yanvarın 20-də and içərək səlahiyyətlərinin icrasına başlayır.
Qafqaz Türk Media bildirir ki, 2017-2021-ci illərdə də prezidentlik etmiş Donald Tramp 2024-cü il noyabrın 5-də keçirilmiş ümumxalq səsverməsini udub, dekabrın 17- də Seçicilər Kollegiyası onu prezident seçib, 2025-ci il yanvarın 6-da Konqres (Nümayəndələr Palatası ilə Senatın birgə iclası) seçkinin nəticələrini təsdiqləyib.
Vitse-prezident postuna Ceyms Devis Vens mandat alıb.
Bəs Trampın yeni komandasında daha kimlər var?
Yeni administrasiyada nazir (katib) postlarına bu şəxslər namizəddir: Marko Rubio – dövlət katibi (xarici işlər naziri), Piter Heqset- müdafiə naziri, Pamela Co Bondi – ədliyyə naziri (baş prokuror), Duqlas Burqum – daxili işlər naziri, Kristi Noem – daxili təhlükəsizlik naziri, Skott Bessent- maliyyə naziri, Hovard Lütnik- ticarət naziri, Şon Daffi- nəqliyyat naziri, Kristofer Rayt- energetika naziri, Skott Turner- tikinti və şəhər inkişafı naziri, Robert Kennedi- səhiyyə və sosial xidmətlər naziri, Bruk Rollins- kənd təsərrüfatı naziri, Lori Çaves-Deremer əmək naziri, Duqlas Kollins veteranlarla iş naziri, Linda Makmen – təhsil naziri.
