Another advertisement
Kəskin böyrək xərçənginə qarşı peyvəndin təsirini yoxlamaq üçün aparılan ilkin tədqiqat uğurlu olmuşdur. Yeni dərmanın məqsədi immunitet sistemini səfərbər etməkdir.
Yale Universitetinin professoru Dr.Devid Braunun rəhbərlik etdiyi araşdırmaya görə, doqquz xəstə üzərində sınaqdan keçirilmiş “xərçəngə qarşı fərdi vaksinlər” onların spesifik şiş genlərinə uyğunlaşdırılıb. Peyvənd xəstələrin immun sistemlərini “oyanmağa” və xərçəng xəstələrinin əməliyyatlarından sonra qalan xərçəng hüceyrələri ilə mübarizə aparmağa sövq edib.
Tədqiqatın arxasında duran ideya, hər bir şiş hüceyrəsi üçün unikal olan immun sistemini xüsusi olaraq hədəfləmək idi.
“Biz əməliyyatdan sonrakı qulluğu yaxşılaşdırmaq və xərçəngin geri qayıtma riskini azaltmaq istəyirik” deyə doktor Braun izah edir.
Araşdırmanın nəticələri fevralın 5-də Nature tibb jurnalında dərc olunub. Tədqiqatda iştirak edən xəstələrə kəskin, üçüncü və ya dördüncü mərhələdə böyrək hüceyrəli karsinoma diaqnozu qoyulub. 9 xəstədən 7-də peyvəndin şiş hüceyrələrini düzgün müəyyənləşdirdiyi üzə çıxıb. Bundan əlavə, tədqiqat iştirakçılarında qripə bənzər simptomlardan başqa heç bir yan təsir müşahidə edilməmişdir.
Yale komandası araşdırmanın kiçik, birinci mərhələnin yalnız bir hissəsi olduğunu izah edir. Peyvəndin FDA təsdiqini əldə etməsi üçün başqa iki fazalı araşdırma tələb olunur.