Tbilisi meri Kaxa Kaladzenin sözlərinə görə, səhnə istiqamətinə ağır əşyalar atıldığı üçün paytaxtın əsas yolkasının işıqlandırılması təhlükəsizlik məqsədilə müvəqqəti olaraq təxirə salınıb.
QafqazTürk Media xəbər verir ki, Kaladzenin verdiyi məlumata görə, yaxın günlərdə onlar yolkanın nə vaxt işıqlandırılacağı ilə bağlı ictimaiyyətə ətraflı məlumat verəcəklər.
“Şam ağacının işıqlandırılmasına gəlincə, dünən nəhayət ki, tədbiri təxirə salmaq qərarına gəldik. Bizə məlumat daxil olub ki, təxribat hazırlanıb. Bundan başqa, gördük ki, ağır əşyalar, butulkalar səhnəyə doğru atılır, bu, çox pisdir. Bir qrup aqressiv adam var idi. Təbii ki, kimin və hansı siyasi baxışlara malik olmasından asılı olmayaraq, bu ölkənin xalqı qarşısında bizim böyük məsuliyyətimiz var. Bu ölkənin hər bir vətəndaşının həyatı bizim üçün qiymətlidir. Buna uyğun olaraq yolkanın işıqlandırılması tədbirinin müvəqqəti olaraq təxirə salınması barədə qərar qəbul edilib. Bu, dünən şahidi olduğumuz təhlükədən irəli gəlirdi. Yaxın günlərdə yolkanın nə vaxt işıqlandırılacağı ilə bağlı ictimaiyyətə məlumat verəcəyik. Bu, uşaqların bayramıdır və uşaqlarımız onu gözləyir, yolkanı, şəhərin küçələrini işıqlandırmaq və s. Yeni ili təxirə salmaq olarmı? Axı qarşıdan Yeni il gəlir, ona görə də tədbir keçiriləcək. Yaxın günlərdə bütün bunlarla bağlı ictimaiyyətə ətraflı məlumat verəcəyik”, – Kaladze bildirib.
