Yaponların uzunömürlülüyünün sirri nədir?
Ümumdünya Səhiyyə Təşkilatının verdiyi məlumata görə, Yaponiya vətəndaşları ən yüksək ömür uzunluğuna malikdirlər. Yaponiya Səhiyyə Nazirliyinin məlumatına görə, hazırda ölkədə 100 yaşdan yuxarı 95 119 nəfər (o cümlədən 83 000 qadın) var – bu, bir il əvvəllə müqayisədə 2 980 nəfər çoxdur.
Ölkədə yaşı 100-dən yuxarı olanlarla yanaşı, 65 yaşdan yuxarı insanların sayı da rekord göstəricidir və 36,25 milyon nəfər təşkil edir ki, bu da ümumi əhalinin 29,3 faizini təşkil edir. Bu göstəriciyə görə Yaponiya 100 mindən çox insanın yaşadığı 200 ölkə və regionun siyahısında birinci yerdədir.
Yaponiya Səhiyyə Nazirliyi qeyd edib ki, yaşlı insanların çoxluğu səhiyyə və sosial xidmətlərin qiymətini artırır və işləyən əhalinin sayını azaldır. Bu problemi həll etmək üçün hökumət pensiya yaşını artırmaq qərarına gəlib.
Alimlər hesab edirlər ki, yaponların uzunömürlülüyünün sirri onların xüsusi qidalanma və içmə vərdişlərində gizlidir.
Xüsusən də yaponların ən sevimli içkisi ənənəvi yapon çayıdır. Adi çaydan fərqlidir və parlaq yaşıl tozdur.
İçkinin tərkibində uzunömürlülüyü təmin edən A, B, C, E vitaminləri, həmçinin pəhriz lifi, sink, kalium, kalsium, natrium və dəmir var.
Bundan əlavə, alimlər müəyyən ediblər ki, bu ənənəvi içki qanda xolesterinin və şəkərin səviyyəsini aşağı salır, immunitet sistemini gücləndirir, xərçəng, şəkərli diabet və piylənmə riskini azaldır.
