Bu gün Gürcüstan Azərbaycanlıları Konqresində “Xocalıya ədalət!” kampaniyası çərçivəsində Xocalı qurbanlarının xatirəsinə həsr etdiyi “Nəfəs fasiləsi” adlı hekayə-tamaşanın müəllifi və quruluşçu rejissoru Esmira xanım Ələkbərlinin və həmin hekayə-tamaşada fəal iştirakına görə, Qaçağan 2 saylı ictimai məktəbinin şagirdlərinin (siyahı aşağıda) Konqresin Fəxri Fərmanı ilə təltifetmə tədbir-mərasimi baş tutub.
Tədbiri geniş giriş sözü ilə açan GAK sədri Hüseyn Yusubov Xocalı qurbanlarının faciəli taleyini: hüzn və qürur hisslərini təsirli şəkildə təsvir etdiyinə görə E.Ələkbərliyə, tamaşada rolları təsirli və mahir nümayiş etdirdiklərinə görə şagirdlərə təşəkkürünü bildirib.
Hüseyn müəllim öz çıxışında Qaçağan 2 saylı məktəbinin müdiriyyətinə, kollektivinə də minnətdarlıq və təşəkkürünü ifadə edib.
Ümid etdiyini bildirib ki, digər məktəblərimiz də bu yöndə bilik və bacarıqlarını əsirgəməyəcəklər.
Esmira müəllimə həm öz adından, həm də şagirdləri adında başda GAK sədri olmaqla, GAK və Qafqaz Türk Media ailəsinə diqqət və qayğıya görə minnətdarlığını bildirib.
Mükafatları sahiblərinə GAK sədri Hüseyn Yusubov, tanınmış şairə, “Sazın, Sözün Butası” təşkilatının yaradıcısı Səadət Buta, məşhur müğənni, Borçalının fəxri, GAK-ın yaxın dostu Ariz Hüseynov, Qafqaz Türk Media-nın və GAK-ın əməkdaşları: Mahir Sədiyev, Gülgün Məmmədli, Türkan Şahverdova, Aida Əsgərova və İbrahimxəlil Məhəmmədəlioğlu təqdim etmişlər.
Esmira xanım Ələkbərliyə və şagirdlərinə yeni-yeni uğurlar diləyirik!
Mükafatçıların siyahısını diqqətinizə çatdırırıq:
Esmira Ələkbərli (müəllimə)
Elmarə Ələsgərova
Ramil Əhmədov
Aysun Əhmədova
Eyvaz Həsənov
Elmir Qocayev
Ayşən Hüseynova
Firuzə Vəliyeva
Həmail Vəliyeva
Nihad Yusubov
Aysel Qurbanova
Qəmər Məsimova
Nurlan Rüstəmov
Banu Abaslı
Nihad Vəliyev
Turğun Vəliyev
Turxan Süleymanov
GAK-ın Mətbuat Xidməti