Rusiya prezidenti Vladimir Putinin sözlərinə görə, Üçüncü Dünya Müharibəsi ilə bağlı təhdidlər artır.
“Bilirsiniz, heç kimi qorxutmağa ehtiyac yoxdur. Təhlükə çoxdur və getdikcə artır və biz düşmənimizin bu gün nə etdiyini görürük – o, vəziyyəti gərginləşdirir”, – Putin Rusiya mətbuatı ilə söhbətində bildirib.
Bundan əlavə, onun sözlərinə görə, Rusiya istənilən çağırışa cavab verməyə hazırdır.
“Rəqibimizin bu gün nə etdiyini görürük. Vəziyyəti gərginləşdirir. İstədikləri budursa, elə də olsun. Qoy daha da artsınlar. Biz hər zaman istənilən çağırışa cavab verəcəyik. Həmişə”, – Putin vurğulayıb.
Onun sözlərinə görə, Rusiya digər ölkələrlə münasibətlər qurmağa hazırdır, lakin öz zərərinə deyil.
“Əgər biz vəziyyətin elə dəyişdiyini görsək ki, başqa ölkələrlə münasibətlərin qurulması üçün imkanlar və perspektivlər var, biz buna hazırıq, ancaq Rusiya Federasiyasının maraqlarının zərərinə deyil”, – Putin bildirib.
