“Əgər Avropa İttifaqı özünün iki əsas missiyasını – sülh və firavanlığı yerinə yetirə bilmirsə, onda onun mövcudluğunun mənası nədir?” – QafqazTürk xəbər verir ki, bu barədə Macarıstanın baş naziri Viktor Orban bəyan edib.
Orbanın qeyd etdiyi kimi, Avropa İttifaqı Rusiyaya qarşı tətbiq etdiyi sanksiyaları ləğv etməlidir.
“Rusiya sanksiyaları Macarıstanda tənəzzülün dərinləşməsinə səbəb oldu. Avropa əməkdaşlığının müasir forması iki missiya ilə idarə olunurdu: sülh və firavanlıq. Əgər Avropa İttifaqı özünün iki missiyasını – sülh və firavanlığı yerinə yetirə bilmirsə, onda onun mövcudluğunun mənası nədir?”, – Orban bəyan edib.
Macarıstanın baş naziri Avropa İttifaqını müharibəni dayandırmaq yolu kimi Ukraynaya yardımı dayandırmağı müzakirə etməyə çağırdı.
