Varketilidə 25 yaşlı Mixail Kavtaradzenin qətlində və daha 3 nəfəri öldürməyə cəhddə ittiham olunan Davit Qoqidzenin sözlərinə görə, polis onunla alçaldıcı rəftar edib.
Müttəhim bunu hakim Levan Qelovaninin sualına cavab olaraq, qeyri-insani rəftara və ya işgəncəyə məruz qalıb-qalmadığını soruşduqda bildirib.
“Psixoloji təzyiqlər oldu, hədə-qorxu gəldilər. Məni səhər saat 11-də gətirdilər, yemək belə vermədilər, vəkilimə zəng etməyə icazə vermədilər. Bacım haqqında danışırdılar, ailə üzvlərimi təhqir edirdilər, sevgilimə də təhqiramiz sözlərlə müraciət edirdilər”,- Qoqidze deyib.
İş üzrə prokurorun sözlərinə görə, bununla bağlı təqsirləndirilən şəxslər dindiriləcək, müvafiq əlamətlər aşkar olunarsa, müvafiq qurumlara müraciət edəcəklər. Bundan əlavə, hakim müttəhimin ifadəsinə cavab vermək üçün xüsusi istintaq xidmətinə müraciət edib.
