Ukraynadakı gürcü döyüşçü ömürlük həbs cəzasına məhkum edilib
İşğal olunmuş Donetskin “Xalq Respublikası” Ali Məhkəməsi Ukrayna tərəfində vuruşan Gürcüstan vətəndaşı Nikoloz Berianidzeni ömürlük həbs cəzasına məhkum edib. O, muzdlu olmaqda və hərbi qulluqçunun qətlində “günahkar” bilinib.
“Məhkəmə müəyyən edib ki, o, 2016-cı ildə Kiyevə gəlib və orada Ukraynanın “Azov” millətçi batalyonunun sıralarına qoşulub. O, Donetsk və Luqansk “Xalq Respublikaları”na qarşı hərbi əməliyyatlarda muzdlu kimi iştirak etməyə razılaşıb. Ukrayna Silahlı Qüvvələrinin batalyonunda gürcü hərbi təlimatçı kimi xidmət edib.
Berianidze 2022-ci il fevralın 24-dən mayın 20-dək Ukrayna Silahlı Qüvvələrinin Mariupol şəhərindəki döyüş təhlükəsizliyi bölmələrində xidmət edib. 2022-ci il martın 18-də muzdlu bir qrup rus əsgərinə atəş açıb, 3 nəfəri öldürüb. Gürcüstanlı döyüşçü sonradan Rusiya Silahlı Qüvvələrinin əsgərləri tərəfindən saxlanılıb”, – Rusiya KİV-i yazır.
