Səudiyyə Ərəbistanında Ukrayna ilə bağlı keçirilən danışıqlarda Türkiyə nümayəndəsi Akif Çağatay Kılıç “Rusiya Federasiyası həll axtarışlarına qarışmasa, heç bir nəticə və həll yolu olmayacaq” deyib.
Türkiyə mətbuatı xəbər verir ki, Çin oxşar mövqe bildirərkən Türkiyənin danışıqlardakı roluna, İstanbul görüşlərinə və Antalya Diplomatik Forumunun əhəmiyyətinə diqqət çəkib.
“Almaniyanın fikrincə, Rusiyanı indi görüşlərə cəlb etmək düzgün deyil və lazım olan anda Rusiyanın da cəlb edilməsi lazımdır. Səudiyyə təşəbbüsünün üçüncü iclasının oktyabrda keçirilməsi gözlənilir.”- Türkiyə mətbuatı xəbər verir.
Qeyd edək ki, Ukraynada müharibəyə son qoymağın yollarını tapmaq üçün Rusiya Federasiyasının nümayəndələri olmadan iki görüş keçirilib. Avqustun 5-6-da Səudiyyə Ərəbistanının Ciddə şəhərində 42 ölkənin milli təhlükəsizlik və xarici siyasət müşavirlərinin toplantısı keçirilib.
