Biz Gürcüstana səfər imkanını nəzərdən keçiririk, – Litva Prezidenti Gitanas Nauseda bu barədə Latviya və Estoniya prezidentləri Edqars Rinkeviç və Alar Kari ilə birlikdə Klaypedada keçirdiyi mətbuat konfransında bildirib.
Gitanas Nausedanın sözlərinə görə, o, həmkarları ilə görüşdə Gürcüstandakı mövcud vəziyyəti müzakirə edib.
“İlk növbədə qeyd etməliyəm ki, Gürcüstanda mövcud vəziyyət 2008-ci ildə Rusiya Federasiyasının ölkəyə müdaxilə edərək ölkə ərazisinin bir hissəsini işğal etdiyi, lakin gürcü cəmiyyəti işğalçıya və təcavüzkara qarşı birgə dayandığı vəziyyətdən tamamilə fərqlidir. Bu dəfə görürük ki, gürcü cəmiyyəti iki yerə bölünüb”,- Gitanas Nauseda bildirib.
Onun sözlərinə görə, o, bəzi gürcü rəsmilərinin Avropaya inteqrasiya ilə bağlı ritorikasını pisləyir.
“Avropa inteqrasiyası Gürcüstan Konstitusiyasında qeyd olunub, ona görə də bu, Konstitusiyaya ziddir. Bu, bizim və Aİ-yə üzv dövlətlərin nöqteyi-nəzərindən anlaşılmazdır”, – Gitanas Nauseda bildirib.
Litva prezidenti Gürcüstanda dinc nümayişçilərə qarşı zorakılığı pisləyib və Gürcüstana qarşı sanksiyaların tətbiqinin tərəfdarı olduğunu qeyd edib.
“Biz dekabrda Gürcüstana səfər etmək imkanını nəzərdən keçiririk, bu imkan hələ də açıqdır və biz bunu Polşa prezidenti Anjey Duda ilə müzakirə edəcəyik. Hesab edirəm ki, biz Gürcüstanla bağlı nə qədər vahid olsaq, Aİ siyasətini bir o qədər effektiv həyata keçirə biləcəyik. Mənim Gürcüstana qarşı Avropa səviyyəsində tətbiq oluna biləcək sanksiyaları dəstəkləməyimin səbəbi budur”, – Litva Prezidenti bildirib.
Gitanas Nausedanın sözlərinə görə, o, bu məsələni Avropa Şurasının növbəti iclasında qaldıracaq.
