İlon Mask və X (əvvəlki Twitter) şirkətinin keçmiş rəhbərləri kompensasiya məsələsində razılığa gəliblər — Mask onlara 128 milyon dollar ödəyəcək.
Keçmiş menecerlər bildirirdilər ki, Mask onlara qanunla nəzərdə tutulmuş ödənişi intiqam məqsədilə verməmişdi, o, 2022-ci ildə şirkəti aldıqdan sonra rəhbər heyəti dəyişmişdi.
Məhkəmə barışıq razılaşmasını təsdiqləyib, bununla da Mask məhkəmədə ifadə verməkdən yayınmış olub.
Xatırladaq ki, milyarder İlon Mask 2022-ci ildə Twitter-i 44 milyard dollara almışdı və dərhal şirkətin ali rəhbərliyini – o cümlədən icraçı direktoru, maliyyə direktorunu və hüquq şöbəsinin rəhbərini işdən çıxarmışdı.
