Türkiyə “Xarici agentlər” haqqında qanun qəbul etməyi planlaşdırır.
QafqazTürk Media xəbər verir ki, bu barədə “Bloomberg” yazır.
Yaxın günlərdə parlamentdə müzakirəyə çıxarılması planlaşdırılan qanun layihəsi xarici ölkə və ya təşkilatın təsiri altında dövlətin təhlükəsizliyinə, daxili və ya xarici siyasi maraqlarına zidd fəaliyyət göstərən şəxslərin əməllərinin qarşısını almaq məqsədi daşıyır.
“Bu, Qərb tərəfdaşlarının ciddi tənqidinə və kütləvi etirazlara səbəb olan Gürcüstanda qəbul edilmiş xarici agentlər haqqında qanuna bənzəyir”, – “Bloomberg” yazır.
“Bloomberg”in yazdığına görə, Türkiyədə qanun layihəsindəki qeyri-müəyyən qeydlər və geniş şərh imkanları səbəbindən narahatlıqlar ifadə edilir. Onların fikrincə, hakimiyyət istənilən tənqidi fikri yatırmaq üçün qanundan istifadə edə biləcək.
Bundan əlavə, qeyd olunur ki, Türkiyədə hazırladığı qanun layihəsinə görə, qanunu pozanlar 7 ilədək həbs cəzası ala bilərlər.
Qanun layihəsinin geri çağırılmasını nəzərdə tutan qanun layihəsinə qarşı onlarla KİV də bəyanat yayıb.
