Türkiyədə “Ulduz və Aypara” mənasını verən “Ay Yıldız” müdafiə idarəsi üçün yeni binanın tikintisi başa çatmaq üzrədir.
QafqazTürk Media bu barədə Türkiyə mətbuatına istinadən xəbər verir.
Verilən məlumata əsasən, binada Türkiyə Müdafiə Nazirliyi, Baş Qərargah və Silahlı Qüvvələr idarəsi yerləşəcək. 2021-ci ildə başlanan layihə Amerika Pentaqonundan 1,5 dəfə böyükdür. Kompleks 12,6 milyon kvadratmetr sahədə yerləşəcək ki, bunun da 890 minini daxili məkanlar tutacaq.
Bina aypara və ulduz formasındadır, xaricdən onbucaqlını (“dekaqon”) təmsil edir. Bu, Pentaqona bənzətməklə, onun adının variantlarından biri olacaq.
Layihə çərçivəsində yaşıllıqların salınması və 13 min ağacın əkilməsi də nəzərdə tutulub.
Məlumat üçün bildirək ki, kompleksin tikintisinin 2025-ci ildə başa çatdırılması planlaşdırılır. Aypara formalı binanın təməli 2021-ci ildə prezident Ərdoğan tərəfindən qoyulub.
