Türkiyə İsraillə bütün iqtisadi və ticarət münasibətləri dayandırıb və İsrail təyyarələri üçün öz hava məkanını bağlayıb. Bu barədə Türkiyənin xarici işlər naziri Hakan Fidan parlamentin fövqəladə iclasında bəyan edib.
“Türkiyə İsraillə hər cür ticarəti dayandırıb, türk gəmilərinin İsrail limanlarına daxil olmasına imkan vermir və hava məkanını İsrail təyyarələri üçün bağlayıb”, – deyə Fidan bildirib.
Nazirin sözlərinə görə, bu addımlar daha geniş mənəvi və tarixi kontekstdə qiymətləndirilməlidir. O, vurğulayıb ki, Qəzzada baş verən hadisələr qlobal vicdanda dərin iz buraxır.
