Ukrayna prezidenti Vladimir Zelenski prezident seçkilərində ikinci müddətə namizəd olmaq qərarına gəlib.
QafqazTürk Media xəbər verir ki, bu barədə Telegraph məlumat yayıb.
Yayılan məlumata əsasən onun əsas rəqibi, Silahlı Qüvvələrin keçmiş baş komandanı, hazırda Ukraynanın Böyük Britaniyadakı səfiri vəzifəsini icra edən Valeri Zalujnıya tərəf getməyə çalışdığı bildirilir.
Telegraph-a görə, Zelenskinin 52% bəyənmə reytinqi var. Valeri Zalujnı seçkilərdə iştirak etməsə, onun prezident seçkilərində qalib gəlmək şansı var. Nəşriyyatın verdiyi məlumata görə, Zalujnı artıq müvafiq təklif alıb.
Məqalədə həmçinin qeyd olunur ki, Ukrayna Prezident Aparatının rəhbəri Andrey Yermak Zalujnıya deyib ki, əgər prezidentliyə namizəd olmasa və Zelenskinin yanında dayanarsa, “Xalqın xidmətçisi” partiyasında birinci yeri və spiker kürsüsünü alacaq.
Zalujnı bu məsələ ilə bağlı qısa şərh verib.
“Əvvəlcə dövlətçiliyi qoruyaq, ondan sonra danışaq”.
Bundan əvvəl Ukrayna prezidenti Vladimir Zelenski dəfələrlə bəyan etmişdi ki, ölkədə prezident seçkiləri müharibənin qaynar mərhələsi başa çatdıqdan sonra keçirilə bilər.
Müsahibəsində Zelenski ikinci müddətə prezident olmaq niyyətində olub-olmaması ilə bağlı qəti cavab verməyə hələ hazır olmadığını bildirib.
