Tbilisi meriyasının məlumatına görə, Vake rayonunda Qiorqi Cereteli və Kakutsa Çolokaşvili küçələrinin tam bərpası başa çatmaq üzrədir. Layihənin son mərhələsi ilə əlaqədar sentyabrın 8-də səhər saat 06:00-dan 14:00-dək İlya Çavçavadze prospektinin Ukrayna səfirliyinin yaxınlığından 6 saylı Ckneti şossesinədək olan hissəsində avtomobillərin hərəkəti tam məhdudlaşdırılacaq.
Məhdudiyyət dövründə:
Çavçavadze prospektindən Ckneti istiqamətinə hərəkət edən avtomobillər Tamaraşvili prospekti, Universitet küçəsi və Baqebi-Universitet küçəsini birləşdirən avtomobil körpüsündən istifadə edə biləcəklər.
Ckneti və Baqebi qəsəbəsindən Çavçavadze prospekti istiqamətində hərəkət edənlər isə, Baqebi-Universitet küçəsini birləşdirən körpü və Tamaraşvili prospektindən istifadə etməli olacaqlar.
Baqebi qəsəbəsindən gələn sürücülər həmçinin Samxarauli Məhkəmə Ekspertizası Bürosuna giriş əldə edə biləcəklər.
İctimai nəqliyyata gəlincə, reabilitasiya müddətində məhdud marşrutla işləyən 309, 351 və 358 nömrəli avtobuslar Vake parkı ətrafına istiqamətləndiriləcək.
Meriyanın məlumatına görə, sentyabrın 8-i saat 14:00-dan etibarən həm avtomobil, həm də ictimai nəqliyyat hərəkəti tam bərpa olunacaq. Bundan sonra avtobuslar əvvəlki marşrut xətti üzrə fəaliyyətini davam etdirəcək.
