“Patrul polisi artıq bu dəyişikliyi qanunvericilik dəyişikliyi kimi deyil, təklif formatında həyata keçirib”.
QafqazTürk.com xəbər verir ki, bunu Tbilisi merinin müavini İrakli Xmaladze qəzalar zamanı avtomobilin hərəkət hüququ barədə söhbətində deyib.
Onun sözlərinə görə, qəza iştirakçıları nəqliyyat vasitələrinin hərəkətinə razılıq verməsələr, heç kim onları buna məcbur edə bilməz.
“Müvafiq hüquq-mühafizə orqanı gəlib yol-nəqliyyat hadisəsinin nədən baş verdiyini araşdırmalıdır. Əgər hər iki tərəf hadisəni foto-video materiallarla sənədləşdiriblərsə və hər hansı ciddi fiziki ziyan yoxdursa, bu zaman onlar avtomobilləri yolun əsas hissəsindən çıxarda bilərlər”, – deyə İrakli Xmaladze bildirib.
