Suriyanın yeni hakimiyyət orqanlarına tabe olan silahlı qüvvələr sahilyanı Latakiya əyalətində Tartus və Cəblə şəhərləri yaxınlığında keçmiş prezidenti Bəşər Əsədin tərəfdarları ilə qızğın döyüşlər aparır.
QafqazTürk Media xəbər verir ki, bu barədə TASS-a əyalətdəki mənbə məlumat verib.
“Cəblə, Tartus, Beyt, Baniyas – hər yerdə döyüşlər gedir. Artıq 3 gündür ki, işıq və su yoxdur, hamı evdən çölə çıxmamağa çalışır”, – mənbə bildirib. O, mülki itkilərin olduğunu da təsdiqləyib.
Qeyd edək ki, martın 6-dan Latakiya, Tartus və Xüms əyalətlərində təhlükəsizlik qüvvələri ilə eks-prezidentin tərəfdarları arasında toqquşmalar başlayıb.
