Son bir ildə emissiya normalarına əməl etmədiklərinə görə 7193 hüquqi və fiziki şəxs cərimələnib, ən çox qanun pozuntusu Tbilisidə aşkarlanıb.
QafqazTürk Media xəbər verir ki, bu barədə Ekoloji Nəzarət şöbəsi məlumat yayıb.
Verilən məlumata əsasən, agentliyin əməkdaşları 2023-cü il sentyabrın 4-dən Gürcüstanın dörd böyük şəhərində – Tbilisi, Rustavi, Kutaisi və Batumidə motorlu nəqliyyat vasitələrinin tullantılarına nəzarət edir.
“İlkin mərhələdə 10 ekipaj (Tbilisidə beş, Kutaisidə iki, Batumidə iki, Rustavidə bir) yoxlama prosesinə cəlb olunub. Nəzarətin effektivliyini artırmaq üçün nəqliyyat vasitələrinin sayı beş ekipaj artırıldı – Tbilisidə iki, Rustavi və Batumidə isə hər birində bir ekipaj əlavə edildi. Heyətlər bütün lazımi alət və avadanlıqlarla təchiz edilmişdir. Qanunun qüvvəyə mindiyi gündən 2024-cü il sentyabrın 3-dək ətraf mühitə nəzarət departamentinin ekipajları tərəfindən avtonəqliyyat vasitələrinin atmosferə atılan tullantıların müəyyən edilmiş normasına əməl etmədiklərinə görə ümumilikdə 7193 hüquqi və fiziki şəxs cərimələnib. Ən çox – 3453 pozuntu Tbilisidə, 1403-ü Kutaisidə, 1233-ü Batumidə, 1104-ü Rustavi şəhərində qeydə alınıb. Cərimə qoyulmuş 7193 qanun pozucusundan 6267-si fiziki, 926-sı isə hüquqi şəxsdir. Avtomobil sürücülərinə 4463, mikroavtobus sürücülərinə 2434, yük maşını sürücülərinə 287, avtobus sürücülərinə doqquz cərimə qəbzi tərtib edilib.
Fiziki şəxsə münasibətdə nəqliyyat vasitələrinin tullantılara qarşı qanunvericiliklə müəyyən edilmiş normaya əməl etməməsinə görə cərimənin məbləği birinci dəfə 100 lari, ikinci dəfə 300 lari, üçüncü dəfə isə 600 lari təşkil edir. Hüquqi şəxsə münasibətdə isə cərimə müvafiq olaraq 500, 1500 və 3000 lari təşkil edir. Cərimə on gün ərzində ödənilərsə, cərimənin məbləği 20% azalacaq. Vətəndaşlar cərimələri Ətraf Mühitə Nəzarət Departamentinin www.des.gov.ge veb-səhifəsindən yoxlaya bilərlər; Cərimə Daxili İşlər Nazirliyinin www.videos.police.ge veb-səhifəsi vasitəsilə ödənilə bilər.,, deyə məlumatda qeyd olunub.
