“Şirin bir xatirətək qalacaqdır dünyada!”
Türk dünyasının nəhəng dövlət adamlarından biri, Şimali Kipr Türk Respublikasının (KKTC) qurucusu və ilk prezidenti Rauf Raif Dentkaşın (1924-2012) anım günüdür.
Biz, Gürcüstan Azərbaycanlıları Konqresi və Qafqaz Türk Media ailəsi olaraq, R.Denktaşı dərin sayğılar və minnətdarlıqla yad edirik.
Gənc yaşlarından Kiprdə türklərin hüquqlarının müdafiəçisinə çevrilən Denktaş ilk dəfə 27 noyabr 1948-ci il tarixində Kipr türklərinin təşkil etdiyi mitinqdə çıxış edib.
Uzun illər adada türk soyqırımının qarşısının alınması üçün mübarizə aparan, çətin və ağır sınaqlardan keçən böyük dövlət adamının mücadiləsi nəticəsini verib, 15 noyabr 1983-cü ildə Şimali Kipr Türk Respublikası qurulub. Cümhuriyyətin ilk prezidenti seçilən Denktaş 2005-ci ilədək bu vəzifədə olub.
Siyasi həyatı ilə yanaşı, onun yazıçı kimi onlarla kitabı nəşr olunub, çəkdiyi fotoların sərgisi keçirilib. Görkəmli fikir və dövlət adamı 2012-ci il yanvarın 13-də Lefkoşada vəfat edib, orada dəfn edilib.
Tarixdə dərin iz buraxan böyük şəxsiyyətlər unudulmur!
Şirin bir xatirətək qalacaqdır dünyada!
Məkanı cənnət olsun!
