Şimal Buzlu Okean tarixdə ilk dəfə 2027-ci ildə buzsuz qala bilər. Aparılan yeni araşdırmaya görə, Arktika dəniz buzları hər on ildə 12%-dən çox görünməmiş sürətlə əriyir, yəni demək olar ki, bütün buzların müvəqqəti olaraq yox olacağı günə yaxınlaşırıq.
İnsanların istixana qazı emissiyalarını dəyişməyə cəhd etməsindən asılı olmayaraq, bunun 9-20 ildən sonra baş verəcəyi gözlənilir. Ən bədbin proqnozlara görə, bu, üç ildən sonra baş verə bilər.
“Bu hadisə hər şeyi kökündən dəyişməyəcək. Amma bu onu göstərir ki, biz Şimal Buzlu Okean mühitinin müəyyənedici xüsusiyyətlərindən birini əsaslı surətdə dəyişmişik, bu da onun bütün il boyu dəniz buzları və qarla örtülməsidir”, – tədqiqatın həmmüəllifi bildirib.
Yerdəki dəniz buzu 1979-cu ildən bəri hər iki qütbdə buzun dalğalanmalarını ölçən peyklər tərəfindən hər il qeydə alınır. Okean və hava istiliyinin tənzimlənməsində, dəniz yaşayış yerlərinin saxlanmasında və yer kürəsində istilik daşıyan okean axınlarının qidalanmasında mühüm rol oynayır.
Dəhşətli tapıntılara baxmayaraq, tədqiqatda bəzi yaxşı xəbərlər var – karbon qazı emissiyalarının kəskin azalması həmin günün yaxınlaşmasının qarşısını alacaq və Arktika buzlarının itirilməsi nəticəsində planet sistemlərinə vurulan zərbəni yumşaldacaq.
